Sobrado Titan Bike 2017

Ainda que se sale un pouco do noso Entorno , non podo deixar pasar este fantástico Rutón que nos fixeron os novos Colegas de Sobrado

Gran ruta organizada polos compañeiros do Sobrado Sport Bike e que discurre por pistas e camiños forestais (evitando en todo o posible o asfalto) atravesando os concellos de Sobrado, Toques, Palas de Rei, Guntín, Lugo e Friol. 

TRACK 

Saímos de Sobrado dirección monte do Bocelo e facemos cume nos eólicos de Pena Moura (límite entre os concellos de Sobrado e Toques), baixamos hacia o río Furelos e rodamos pola beira do río ata chegar ás Fervenzas de Brañas (Toques). 

 

Deixamos ás fervenzas á dereita e comezamos unha dura subida que nos levará ó cume do Corno do Boi (Friol), desde aquí rodamos polo parque eólico de Pena Armada dirección Serra do Careón (desde donde podemos observar a man dereita o pobo de Melide) ata ir dar ao Camiño Primitivo (este camiño separa os concellos de Toques e Palas de Rei), e colleremos este sendeiro en dirección Lugo (uns 20 km) ata San Román da Retorta (Concello de Guntín), onde aproveitamos para facer avituallamento nun dos albergues da aldea.

Xa co depósito cheo, collemos dirección Lugo ata chegar á aldea de Santa Eulalia de Bóveda (xa no Concello de Lugo). Desde aquí enfilamos outro gran ascenso ás canteiras de Facoi. Desde a cima podemos visualizar as canteiras de Vilachá de Mera e detrás destas avistamos a cidade de Lugo. Comezamos un descenso divertido por sendeiros hacia Santa Marta (xa en Friol), cruzamos o río Narla por unha bonita ponte e seguimos por camiños forestais ata ascender ó Cordal de Ousá.

Desde aquí baixamos ata a aldea de Trasmonte e continuamos ata Miraz, cruzando o río Parga. Unha vez en Miraz, collemos de novo o camiño de Santiago dirección Sobrado ata chegar a Anafreita e desde ahí afrontamos o último pico da xornada subindo ata a Cova da Serpe.

 Desde aquí baixamos por un pequeno e técnico sendeiro ata a aldea de Dombrete e enganchamos unha pista de area que nos levará ata As Cruces. O camiño de As Cruces a Sobrado (uns 5km) fixémolo por asfalto.

Gracias a Josiño e ó resto de compañeiros de Sobrado pola gran xornada de auténtico BTT da que nos fixeron disfrutar

FOTOS 

KDD OUTONO 2016

O sábado 26 de Novembro do 2016 celebrámos a nosa Kdd de Outono por estas datas e que xa debe ir pola sua V Edición , voltamos a poñernos en contacto coa xente de Eumenatura e fixemos a saida dende as suas instalacións.

Xuntamonos 10 bikers e ademáis tamén nos acompañou Jose da Capela e os seus rapaces , ainda que eles prefiriron facer unha Andaina para logo xuntarnos todos a xantar.

TRACK

A ruta ainda que foi parecida a da edición 2015 tivo varias variantes e algún se lle fixo bastante dura , acompañounos por vez primeira Luismi e notouse a falta de algún compañeiro , ainda asi tratamos de desfrutala .

FOTOS

Ata a próxima!!!!!

Kdd Nocturna 2016

O Venres 23 de Septembro tivemos a Kdd Nocturna da Grupeta que solemos facer por estas datas , saindo coma sempre do Parque da Rotonda de Cabanas e este ano indo por zonas de Cabañas e Fene con percorrido final pola costa ata Centroña.


TRACK

Xuntamonos 15 bikers e tratamos de desfrutar polos camiños de noite , no que se pode desfrutar de outra maneira a facelo polo día , tivemos o infortunio da caida de Berni que maia a mala sorte que tivo pola caida e ter que retirarse e non poder desfrutar da parte final e dos pinchos do remate puido quedar en solo un susto e un tempo de convalecencia.

 Pese a mala sorte da caida que foi bastante fea , tivo a sorte de poder recuperase tras unha temporada apartado da bici, foi unha magoa pero xa volte a estar en activo para poder seguir desfrutando dos camiños e nos con él.

Logo coa ausencia de Berni , degustamos as viandas que habiamos encargado...... Ata a próxima!!!

Desafio Beumett 2016

A data do Desafio de este ano foi o Sabado 20 de Agosto do 2016
Un explendido día de Verán no que nin demasiada calor nin tampouco moito vento , en algunas zonas da Ruta e un verdadeiro estorbo , xa que pasa por zonas de Parques Eólicos e nesas ubicacions e de saber que o vento azota moito.

Eu ainda que fun un pouco o promotor de esta Ruta , non puiden asistir a ela , xa que problemas familiares de saude evitaronme poder participar e tampouco quería que se deixase sen facer , xa que xa fora aplazada noutra data

A ruta e unha variante da típica Ruta entre Pontedeume e Santiago "" O Camiño Ingles a Santiago "" no que cada ano ten mais afluencia de peregrinos , esta versión varia case completamente a zona a percorrer e aumenta a sua distancia en moitos mais Km. Saindo de Pontedeume hacia a zona alta de  Monfero (Penafesa e Alto Xestoso) para logo enlazar coa zona de Cambás e internarse pola Serra da Loba , Cordal de Montouto , Cova da Serpe ata enlazar co Mosteiro de Sobrado e dende ali facer o tramo do Camiño do Norte ata Santiago


TRACK

Este ano houbo menos quorum e só se presentaron 4 bikers a facelo Desafio , sairon de Pontedeume as 08:00 da maña , a xornada presentabase longa.

 

A primeira parada fixerona no Km 20 na Taberna da Pila da Leña , onde tomaron café e algo dulce para poder recuperar calorías , hai que sinalar que este tramo inicial , posiblemente sexa o mais duro da Ruta

Logo continuaron polas zonas altas da Ruta durante un bon anaco onde se teñen vistas impresionates hacia todolos puntos cardinales e nos que se poden distinguir moitos puntos da nosa provincia

 

A seguinta parada foi as portas do Mosteiro de Sobrado - Km 77 , ali fixeron a parada para descansar e recuperar forzas , xa tiña boa parte da Ruta feita e a moi boa hora , agora quedaballes compartir Ruta cos peregrinos

 

Dende aqui tocaba Ruta de peregrinos pasando por Boimorto , Arzua , Pedrouzo , Lavacolla ata chegar o Alto do Mirador do Monte do Gozo onde se teñen boas vistas da Catedral e da Cidade de Santiago 

 

O Reto xa estaba conseguido , logo de percorrer 135 Km e nun tempo moi bon , as 19:00 estaban na explanada da Catedral de Santiago 

Xa solo quedaba a viaxe de volta na que uns en Autobus e outros en Furgón para traer as monturas , tiveron que viaxar separados

 

  ¡¡¡¡¡ Noraboa Compañeiros !!!!!

Travesia Btt Lugo - Betanzos

 

Vou contar a miña experiencia de Ruta, que ainda en Km non foi para tanto (110Km) si que foi lenta polo tipo de terreno e circunstancias da mesma.

Para poder emplazarnos no Inicio da mesma , desprazamonos en tren dende o destino , collemos o tren en Betanzos Infesta as 07:00 da mañán ata Lugo , onde chegamos sobre as 08:30, despois de tomar un café para activar enerxias , comenzamos a rodar.
Inicialmente fixemos unha volta por enrriba da Muralla para divisar a Cidade en todo o seu explendor , mentrás o noso compañeiro Jose Ramón nos indicaba os lugares mais emblemáticos da cidade , logo fomos hacia a zona do Río a carón do Club Fluviale para comenzar a nosa aventura.
A ruta percorre sendeiros e camiños pegados os ríos durante case todo o percorrido , na primeira parte fumos dende Lugo ata Ombreiro pola marxen esquerda do Río Miño, logo atravesamos a ponte na estrada que vai de Outeiro de Rei a Friol para continuar pola marxen dereita do Miño pasando polo Zoolóxico de Marcelle , continuamos polos sendeiros do Río ata a ponte que vai a Martul , ali visitamos o fermoso salto de auga de Piago , ali separamonos un anaco da beira do río ata chegar a Begonte , pero visitando a fermosa estampa que nos mostra a natureza coas formacions graníticas de Pena de Rodas , onde curiosamente había unha exposición en honor a Manuel María , o escritor da zona de Outeiro de Rei que homenaxeaban neste ano polo día das Letras Galegas, ¡¡¡ Que curioso!!! sin contar , atopamonos con esa casualidade , xa que a nosa aventura coincidia co mesmo día das Letras Galegas.
En Begonte , paramos avituallarnos mentres esperábamos a que nos repuxeran a montura de pedales de Serxio , xa que xa levabamos un anaco que a sua roda traseira iba protestando de falta de mantemento , ali amablemente se acercou Javi desde Teixeiro no coche para deixarnos outra montura e que Serxio continuara a sua Ruta.
En Begonte voltamos a coller os sendeiros que van pegados o río , pero neste caso moi accidentados polas riadas de estos derradeiros anos e pola falta de Mantemento, ¡¡¡¡¡ Unha Magoa ter eso asi ¡!!!!! , notase que cando había cartos fixeronse moitas cousas que agora non se manteñen , chegamos a contar unha ducia de pontes de madeira caídas ou movidas polas riadas e un montón de arboles caídas que tivemos que ir sorteando como poidemos , entre o Km 30 e 36 de ruta, como decía foi a parte mais dura da ruta xa que a mallor parte dela tivemos que facela a pé e solventando a infinida de obstáculos que o camino nos deparaba , aquí foi onde perdemos demasiado tempo que logo o final do día pagamolo
En Baamonde a cousa mellorou , continuamos por sendeiros pegados os Ríos Ladra e Parga , pero aquí están moitos mais cuidados e limpos , mellor conservados , posiblemente por que se move bastante xente por eles , atopas senderistas e algún outro ciclista , en Parga fixemos unha parada para reponer forzas , logo continuamos ata Guitiriz seguindo as sendeiros pegados o río pero xa a velocidade iba aumentando , nesta zona deixariamos de novo os ríos ata chegar o Monte do Gato , onde pese estar na zona alta , ainda tivemos que facer subidas e baixadas continuas cun apreciado desnivel en ambas , o corpo xa non estaba para moitos trotes , rematamos o Monte deo gato na zona de Coiros e logo enlazamos coa Ruta da Auga de Betanzos , de novo voltariamos a ir pegados a zona do río ata chegar a vila dos Cabaleiros , final da nosa aventura con mais de 110 Km as nosas costas.
En fín , dura pero fermosa experiencia e agora algo mais descansados , desexosos de repetir.

TRACK